Hindistanın 2 şəhəri arasında Hyperloop nəqliyyat sistemi inşa ediləcək
Elm & Texnologiya
07.09.2017
Farid Pardashunas
Hyperloop Transportation Technologies startapı, Hindistanın Andhra-Pradeş adlı ştatının hakimiyyəti ilə razılıq imzalayıb.
Razılığa əsasən Hyperloop vakuum qatarları bu ştatın iki şəhəri
olan Amaravati ilə Vidjayavada şəhərlərini birləşdirəcək. Bir şəhərdən digərinə
isə 6 dəqiqə ərzində çatmaq mümkün olacaq. Hyperloop sisteminin inşasına gələn
ilin yaz fəslində start verilə bilər. Bu iki şəhər arasındakı məsafə 43 km-dir.
Hal hazırda bu şəhərlər arasındakı səyahət 1 saatdan az vaxt çəkmir. Vakuumlu
qatarlar vasitəsilə isə bu müddəti 6 dəqiqəyə endirmək mümkün olacaq. Oktyabr
ayında start götürəcək birinci mərhələ çərçivəsində şirkət, bu nəqliyyat şəbəkəsinin
məqsədəuyğunluğunu incələyəcək. Bu proses yarım ilə yekunlaşacaq. İnşa işlərinə isə ikinci mərhələ çərçivəsində, 2018-ci ilin yaz fəslində start veriləcək. Əgər hər
şey yolunda getsə, onda Hindistan, Hyperloop vakuum qatarlarına sahib olan ilk
ölkə ola bilər. Layihənin büdcəsi barəsində məlumat verilməyib. Lakin məlumata əsasən
bu əməkdaşlıq, dövlət-özəl tərəfdaşlıq formatında keçiriləcək. Əsas vəsaitlər,
özəl investorlar tərəfindən təqdim olunacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)