HMD Global şirkəti ən çox gözlənilən Nokia modelinin təqdimatına hazırlaşır
Elm & Texnologiya
17.08.2018
Farid Pardashunas
Nokia öz Twitter hesabında qeyd edib ki, 21 Avqust tarixində
ən çox gözlənilən Nokia modelini təqdim edəcək. Bu cür elan öz-özlüyündə böyük
sirr daşıyır və çox güman ki, söhbət, Nokia 9 flaqman modelindən gedir. Gözlənildiyi
kimi sözügedən model Snapdragon 845 prosessoru və OLED ekrana inteqrasiya
olunmuş barmaq izi skanı texnologiyası ilə təchiz olunmalıdır. Əgər bu həqiqətən
də belə olsa, Nokia bu texnologiyanı xarici bazara çıxardacaq ilk qeyri Çin
şirkəti olacaq.
Qeyd etmək lazımdır ki, indiyənə kimi ekrana inteqrasiya
olunmuş barmaq izi skanı texnologiyasından yalnız Çin şirkətləri istifadə
edirdilər. Yeni Nokia modelinin əsas özəlliyi həmdə onun kameraları olacaq. Bu
baxımdan şirkət yenə də Carl Zeiss markası ilə əməkdaşlıq edir. Çox güman ki,
smartfon üçlü arxa kamera ilə təchiz olunacaq. Smartfonun təmiz Android əməliyyat
sistemi ilə çalışması gözlənilir. Android 9 Pie əməliyyat sisteminin çıxış tarixini nəzərə alsaq, çox güman ki, smartfon məhz bu əməliyyat sisteminə sahib olacaq.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)