main-post-cover

    Honor brendi itmiş yeni smartfon prototipini geri qaytarana 5000 avro ödəyəcək

    Elm & Texnologiya
    24.04.2019
    Emil Nəcəfov
        Huawei şirkətinin müstəqil brendi kimi fəaliyyət göstərən Honor-un Almaniyada olan şöbəsi öz Twitter hesabında itmiş yeni smartfon prototipinin geri qaytarılması xahişi ilə bağlı tweet paylaşıb. Bu barədə Gagadget saytı xəbər verib. Belə ki, şirkətin marketinq şöbəsinin əməkdaşı Moritz Scheidl Düsseldorfda yerləşən ailəsinin yanına yollanmış və həmin səyahət zamanı onun çantasında xüsusi boz keysdə olan yeni smartfon modelinin prototipi var olub.
        Evdə olan zaman isə o aşkar edib ki, həmin prototip çantadan yoxa çıxıb. Yeni smartfon prototipinin itdiyi və ya oğurlandığı barəsində bir məlumat yoxdur. Lakin buna baxmayaraq şirkət onu tapıb geri qaytaracaq şəxsə 5000 avro dəyərində pul mükafatı verməyi söz verib. Çox güman ki, söhbət, Honor 20 və ya Honor 20 Pro flaqman smartfon modellərindən birindən gedir. Sözügedən smartfonlar 21 may tarixində Londonda təqdim olunacaqlar.

    Linki kopyala