Honor yeni büdcəli planşet üzərində çalışır

    Honor şirkəti qlobal bazarda yeni büdcəli planşetini təqdim etməyə hazırlaşır. İnsayderlər şirkətin yeni büdcəli planşeti barəsində məlumatları Google Play Console-da aşkar ediblər. Məlumatda qeyd edilib ki, Honor-un yeni büdcəli planşeti Honor Pad X9 adlanacaq. İnsayderlər bildiriblər ki, Honor Pad X9 planşeti 8 nüvəli Snapdragon 680 prosessoru vasitəsilə çalışacaq. Planşet özündə 2000x1200 piksel keyfiyyətli ekranı, 4 GB RAM-ı birləşdirəcək və 5G dəstəyinə sahib olacaq. Planşet Android 13 vasitəsilə çalışacaq. Honor Pad X9-un nə zaman təqdim olunacağı bilinmir. Sadəcə olaraq güman etmək olar ki, şirkət bu yeni büdcəli planşeti yaxın zamanda təqdim edə bilər.