Keçən həftə məlumat ortaya çıxmışdı ki, Huawei şirkəti böyük ölçülü ekrana sahib yeni MatePad planşeti üzərində çalışır. Yeni planşetin MatePad Pro 13.2 olacağı güman edilirdi. Nəticədə bu məlumat özünü doğrultdu. Belə ki, Huawei özünün yeni planşeti olacaq MatePad 13.2-nin təqdimatını anons edib. Şirkətin rəsmi anonsuna əsasən sözügedən yeni planşet 25 sentyabr tarixində Çində təqdim olunacaq.

    Adından da bəlli olduğu kimi yeni MatePad Pro modeli 13.2 düym ölçülü ekran ilə təchiz olunacaq. Bu, MatePad seriyasında hər hansısa planşet modelinin əldə etdiyi ən böyük ölçülü ekran olacaq. Planşetin digər texniki göstəriciləri barəsində məlumat yoxdur. Sadəcə olaraq güman etmək olar ki, MatePad Pro 13.2 planşeti yüksək göstəricidə təsvir yenilənməsinə sahib ekranı əldə edəcək və Kirin 9000s prosessoru vasitəsilə çalışacaq.