Huawei: 'Kirin 980 Apple A12 Bionic prosessorundan daha üstündür'
Elm & Texnologiya
24.09.2018
Farid Pardashunas
12 Oktyabr tarixində Huawei şirkəti Londonda özünün yeni
flaqman modeli olan Mate 20 Pro-nu təqdim edəcək. Qeyd etmək lazımdır ki, bu
smartfon şirkətin yeni 8 nüvəli Kirin 980 prosessoru ilə təchiz olunacaq. Kirin
980 və A12 Bionic prosessorları hal hazırda mobil cihazlar bazarında yeganə
prosessorlardır ki, 7 nanometrlik texnoloji proses əsasında hazırlanıb. Qualcomm
şirkəti isə bu texnologiya əsasında hazırlanan Snapdragon 855 prosessorunu bu
ilin sonunda təqdim edəcək.
Kirin 980 prosessoru 6.9 milyard tranzistordan ibarətdir.
Bu göstərici isə Kirin 970 prosessorunun göstəricisindən 75% çoxdur. Yeni
prosessorun qrafik nüvəsi 57% daha güclü, 75% daha sürətli və 178%
daha performanslıdır. Baxmayaraq Apple şirkətinin A12 Bionic prosessoru da həmin
sayda tranzistorlardan ibarətdir, Huawei şirkəti öz məhsulunu ondan daha üstün
hesab edir. Buna baxmayaraq Apple şirkətinin yeni smartfonları artıq
satışdadır.
Huawei həmçinin Kirin 980-də süni zəka əməliyyatlarının yerinə
yetirilməsi üçün 2 neyron şəbəkəsi emalı blokunu və foto ilə videoların keyfiyyətlərini
yüksəltmək üçün ikiqat ISP (təsvirlərin emalı üçün prosessor) texnologiyasını
(6 saniyə ərzində 500 səhnənin təyin olunması) qeyd edir. Kirin 980 həmçinin 21
kateqoriyalı LTE şəbəkəsini və saniyədə 1.4 Gbit yükləmə sürətini dəstəkləyir.
Bundan əlavə olaraq prosessor Wi-Fi Hi1103 texnologiyası ilə də təchiz olunub.
Bu isə bütün dünyada yükləmə sürətinə görə ən sürətli texnologiyadır.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ