Huawei Mate 30 Pro'nun real fotoları ortaya çıxdı
Elm & Texnologiya
16.08.2019
Farid Pardashunas
Huawei Mate 30 Pro flaqman smartfonunun texniki göstəriciləri barəsində olmuş bəzi məlumat sızıntılarından sonra onun real fotoları da ortaya çıxıb. Bu dəfə real fotolar Çinin ictimai nəqliyyat vasitələrindən birindən əldə olunub. Məlumat sızıntısının mənbəsi kimi isə Ice Universe ləqəbli məşhur insayder olub. Bu barədə 4pda saytı xəbər verib. Real fotolarda təqdim olunmuş smartfon xüsusi qoruyucu keys ilə əhatə olunub ki, onun arxa kamera modulları görünməsin.
Son məlumatlara əsasən Mate 30 Pro modeli ToF modul da daxil 4 kamera ilə təchiz olunacaq və onlardan ikisi 40 MP-lik olacaq. Bununla yanaşı onlar dəyişkən diafraqma özəlliyinə də sahib olacaqlar. Bununla yanaşı smartfonun daha bir özəlliyi ondan ibarət olacaq ki, o, kənarları əyilmiş ekrana sahib olacaq. Bəzi məlumatlara əsasən smartfon 6.71 düym AMOLED ekran ilə təchiz olunacaq. Sonuncu dəfə Huawei şirkətinin təmsilçisi təsdiqləmişdi ki, Mate 30 seriyasının təqdimatı 19 sentyabr tarixində baş tutacaq.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ