Huawei şirkəti 18 may tarixində növbəti təqdimat tədbirini keçirəcək və həmin tədbirdə bir sıra yeni məhsulların təqdim ediləcəyi gözlənilir. Təqdim ediləcək yeni məhsullar arasında MateBook noutbukları da olacaq. İndi isə şirkət həmin yeni noutbuklardan birinin xarici görünüşünü sərgiləyib. Söhbət, MateBook E 2023-dən gedir. Qeyd etmək lazımdır ki, bu cihaz həm noutbuk həm də planşet rolunda çıxış edəcək. Cihaz 120 Hz-lik təsvir yenilənməsinə sahib IPS ekran ilə təchiz olunacaq və ekran stilus dəstəyinə sahib olacaq. Məlumata əsasən MateBook E 2023 Windows 11 vasitəsilə çalışacaq.