Reklam
Huawei öz əsas rəqibini geridə qoyaraq dünyanın ən böyük smartfon istehsalçısı oldu

Huawei öz əsas rəqibini geridə qoyaraq dünyanın ən böyük smartfon istehsalçısı oldu

Texnologiya
09.07.2020 PAYLAŞIM

    2018-ci ildə Huawei smartfon istehsalı məsələsində Apple şirkətini geridə qoyaraq dünyanın ikinci ən böyük smartfon istehsalçısı statusunu qazanmışdı. Bu cür nailiyyəti əldə edəndən sonra Huawei özünə məqsəd qoydu ki, 2020-ci ilə kimi o bu məsələdə lider olan Samsung-u da geridə qoymalıdır. Bir qədər gecikmə ilə Huawei şirkəti bu ilin aprel ayında bu məqsədə nail olmuşdu. Şirkət aprel ayında dünyanın ən böyük smartfon istehsalçısı statusunu əldə etmişdi. Huawei may ayında da bu statusu qoruyub saxlaya bildi.

    Yeni hesabata əsasən isə Huawei öz tarixi ərzində ilk dəfə ilin birinci rübünü dünyanın ən böyük smartfon istehsalçısı kimi yekunlaşdıra bilib. Bu barədə Techradar saytı xəbər verib. Çindən olan mənbələrin verdikləri məlumatlara əsasən aprel ayından iyun ayına kimi Huawei 55 milyon smartfon istehsal edib. Samsung-da isə bu göstərici 51 milyondur.


Beləliklə 2020-ci ilin ikinci rüb nəticələri üzrə Huawei öz bütün rəqiblərini geridə qoyaraq dünyanın ən böyük smartfon istehsalçısı olub.

    Mütəxəssislərin fikirlərinə əsasən Huawei şirkətinin bu cür nailiyyəti əldə etməsində ən böyük səbəb koronavirus pandemiyasıdır. Belə ki, bütün dünyada pərakəndə satış nöqtələrində durğunluğun yaşandığı və alıcıların yeni smartfonları almaqda tələsmədikləri bir vaxtda Çin bazarı artıq bərpa olunmağa başlayıb. Qeyd etmək lazımdır ki, Çində Huawei şirkəti ən böyük smartfon istehsalçısı hesab edilir və o, bazarın 60% payına sahibdir. Samsung-un isə Çin bazarındakı payı 1%-dən aşağıdır.

    Buna baxmayaraq Samsung şirkəti yaxın zamanda öz liderliyini geri qaytara bilər. Belə ki, bəzi məlumatlara əsasən hal hazırda Samsung və Huawei birgə əməkdaşlıq məsələsində danışıqlar aparırlar. Həmin əməkdaşlığa əsasən Samsung Huawei şirkətinin 5G təchizatı üçün aparıcı çiplər istehsal edəcək, Huawei isə öz növbsində sahib olduğu bazar payının müəyyən hissəsindən imtina edəcək. ABŞ tərəfindən olan sanksiyalar səbəbilə Huawei üçün bu cür addım məcburidir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Xiaomi öz avtopilot texnologiyasını sərgiləyib (VİDEO)

Xiaomi şirkəti özünün avtomobillər üçün nəzərdə tutulmuş avtopilot sistemi barəsində ilk məlumatları..


Xiaomi Mi Pad 5 Pro planşeti, Watch S1 Pro smart saatı və naqilsiz Buds 4 Pro qu..

Qatlana bilən Xiaomi Mix Fold 2 və Redmi K50 Ultra smartfonları ilə yanaşı şirkət həmçinin Mi Pad 5 ..


Xiaomi insana bənzər CyberOne adlı robotu təqdim edib (VİDEO)

Xiaomi şirkəti insana bənzər CyberOne adlı robotu təqdim edib.


Samsung Galaxy Watch 5 smart saatları və naqilsiz Buds 2 Pro qulaqlıqları təqdim..

Samsung şirkəti qatlana bilən yeni smartfonları (Galaxy Z Fold 4 və Galaxy Z Flip 4) ilə yanaşı həmç..


Qatlana bilən smartfon, naqilsiz qulaqlıqlar və planşet: Xiaomi 11 avqustda təqd..

Xiaomi şirkəti 3 yeni məhsulunun tizer materiallarını təqdim edib.


Məşhur analitik Apple şirkətinin qarışıq reallıq cihazı haqqında yeni məlumatlar..

Analitikin sözlərinə əsasən şirkət il ərzində 1.5 milyon ədəd qarışıq reallıq cihazını satışa çıxart..

×