Huawei şirkəti gizli şəkildə Şimali Koreya ilə əməkdaşlıqda şübhəli bilinir

Huawei şirkəti gizli şəkildə Şimali Koreya ilə əməkdaşlıqda şübhəli bilinir

Texnologiya
23.07.2019 PAYLAŞIM

    Huawei şirkəti gizli şəkildə Şimali Koreyaya Koryolink adlı fərdi 3G şəbəkəsinin yaradılmasında və dəstəklənməsində yardımçı olub. Bunu The Washington Post saytına Huawei şirkətinin keçmiş əməkdaşları danışıblar. Bu barədə Rusbase saytı xəbər verib. Məlumata əsasən Huawei Çinin Panda International Information Technology adlı dövlət şirkəti vasitəsilə Şimali Koreya hökuməti ilə 3G şəbəkə layihəsi çərçivəsində əməkdaşlıq edib. Bu layihənin üzərində 8 il iş gedib.

    The Washington Post saytı bəzi müqavilələrin kopyalarını təqdim edib. Həmin müqavilələrə əsasən Panda International şirkəti Şimali Koreyanın CHEO Technology şirkətini Koryolink 3G şəbəkəsinin yaradılması üçün lazımi texnologiyalar ilə təchiz edib. CHEO Technology şirkəti isə Koreyanın poçt və telekommunikasiya dövlət korporasiyası ilə Orascom Telecom Holding şirkətinin birgə müəssisəsidir. Məlumata əsasən Huawei ilə Panda şirkətləri 2016-cı ildə ABŞ-ın Şimali Koreyaya qarşı sanksiyalarının gücləndiriməsindən sonra Pxenyandakı ofislərindən ayrıldılar.

    Bu səbəbdən Şimali Koreyaya lazımi texnologiyaların təchizatının dayandırılması nəticəsində Koryolink 3G şəbəkəsi hələ də köhnə texnologiyalardan istifadə edir. Buna cavab olaraq Huawei şirkəti bildirib ki, o, Şimali Koreyada biznes ilə məşğul deyil. Lakin buna baxmayaraq şirkət keçmişdə Şimali Koreya ilə əməkdaşlıq edib-etməməsinə heç bir fikir bildirməyib. Bu cür bəyanat Huawei şirkətinə necə təsir edə bilər? ABŞ hökumətinin eksport qaydaları ABŞ komponentlərinin 10%-dən çoxunun istifadə olunduğu texnologiyaların sanksiyalar altına düşmüş ölkələrə verilməsi baxımından şirkətlərə qadağa qoyur.

    2014-cü ildə Şimali Koreya ilə əməkdaşlıqda şübhəli bilinmiş Panda International şirkəti ABŞ-ın ticarət nazirliyinin qara siyahısına əlavə edilmişdi. Sonradan həmin siyahıya həmçinin Huawei şirkəti də əlavə edildi. Belə ki, şirkət İran ilə əməkdaşlıqda şübhəli bilinmişdi. ABŞ-ın ticarət nazirliyi Huawei ilə Şimali Koreya arasında 2016-cı ildən bəri ola biləcək əməkdaşlıq məsələsini araşdırır. Lakin hələki bu işdə heç bir sübuta rast gəlməyib. Əgər bu məsələ öz təsdiqini tapsa və məlum olsa ki, şirkət həqiqətən də ABŞ qanunvericiliyini pozub, bu, şirkət ilə ABŞ hökuməti arasındakı gərginliyi daha da yüksəldəcək. Baxmayaraq ki, bir neçə müddət bundan öncə hər iki tərəf arasındakı münasibətlər yaxşılaşmağa başlamışdı.



SİZƏ MARAQLI OLACAQ BİR NEÇƏ MƏLUMAT


Satılmış 1 milyon Galaxy Fold məlumatı təkzib olundu

Dünən xəbər verilmişdi ki, Samsung şirkəti artıq bütün dünya üzrə 1 milyon ədəd qatlana bilən Galaxy..


ABŞ ilə Çin razılığa gəldilər: Apple məhsullarının qiymətlərində artım olmayacaq..

ABŞ və Çin hökumətləri öz aralarında ilkin ticarət razılaşmasını əldə ediblər.


Smartfon bazarının lideri Samsung-dur: Lakin Huawei öz rəqibinə artıq çox yaxınd..

2019-cu il hələ sona çatmasa da Strategy Analytics şirkəti bu ilin yekun nəticələri vasitəsilə smart..


Kirin 990-dan 50% daha güclü: Huawei Kirin 1020 prosessoru barəsində ilkin məlum..

Baxmayaraq ki, Huawei şirkətinin Kirin 990 prosessoru hələ sentyabr ayında təqdim edilmişdi, artıq o..


Windows 10 ilə artıq telefon zənglərini komputer üzərindən cavablamaq mümkündür..

Windows 10 əməliyyat sisteminin Your Phone tətbiqi vasitəsilə artıq Android telefonlara gələn zənglə..


Uşaqların təhlükəsizlikləri üçün olan funksiya iOS 13.3-də düzgün çalışmır..

Apple şirkəti dəfələrlə iOS əməliyyat sisteminin təhlükəsizliyi barəsində danışıb.