Huawei şirkəti yaxın zamanda Kirin A1 prosessoruna sahib smart eynək ilə naqilsiz qulaqlığı satışa çıxartmağı planlaşdırır. Bu barədə 91mobiles saytı xəbər verib. Huawei şirkətinin daşınıla bilən cihazların inkişafı şöbəsinin rəhbəri Zach Yang, 91mobiles saytının jurnalistlərinə müsahibə verən zaman Kirin A1 prosessoruna sahib olacaq yeni məhsullardan danışıb.

    Qeyd etmək lazımdır ki, sözügedən prosessor hal hazırda FreeBuds 3 qulaqlıqlarında və Huawei Watch GT2 saatlarında istifadə olunur. Onun sözlərinə əsasən şirkət hal hazırda Kirin A1 prosessoruna sahib olacaq smart eynək, səsgücləndirici və naqilsiz qulaqlıq üzərində çalışır. Bu məhsulların dəqiq olaraq nə zaman satışa çıxacaqları barəsində məlumat verilməsə də, Zach Yang qeyd edib ki onlar bu ilin sonuna kimi istifadəçilər üçün satışa çxıacaqlar. Qeyd etmək lazımdır ki, Kirin A1 Huawei şirkətinin daşınıla bilən cihazları üçün istehsal etdiyi ilk prosessordur.