Huawei smartfonlarının ABŞ istehsalı komponentlərdən asılılıq səviyyəsi yoxlanılıb
Elm & Texnologiya
28.06.2019
Farid Pardashunas
Çin ilə ABŞ arasında olan ticarət müharibəsi smartfon istehsalı üçün ABŞ istehsalı olan komponentlərin çatışmazlığı cəhətdən Huawei şirkətini çətin vəziyyətdə qoyur. Bu iddianın aktuallığını Asiyanın ən böyük saytlarından biri olan Nikkei-nin jurnalistləri yoxlamaq qərarına gəliblər. Bu barədə 4pda saytı xəbər verib. Belə ki, onlar smartfon modelinin yığılmasının ABŞ sanksiyalarına düşmüş komplektasiyalarından nə dərəcədə asılı olduğunu yoxlamaq üçün Huawei şirkətinin flaqman smartfon modellərindən birini tamamilə hissələrə ayırıblar.
Hissələrə ayrılmış smartfondan əldə olunmuş nəticələr çox gözlənilməz olub. Beləliklə smartfonun hissələrə ayrılması nəticəsində məlum olub ki, Huawei şirkətinin flaqman smartfon modelində olan ABŞ istehsalı komponentlərin sayı ümumi komponentlərin sayının 0.9%-ni təşkil edir. Siyahıya Micron şirkətinin RAM çipi, Skyworks və Qorvo şirkətinin yarıkeçiriciləri və Corning şirkətinin istehsalı olan Gorilla Glass qoruyucu şüşəsi daxil olublar. Smartfon komplektasiyasının yarısından çoxu (53.2%) Yapon şirkətlərinin, 34.4%-i isə Koreya şirkətlərinin üzərlərinə düşürlər.
Maraqlısı ondadır ki, smartfonun daxilində yerləşdirilmiş Huawei komplektasiyalarının sayı 4.9% təşkil edib. Smartfonun yığılmasında isə ümumilikdə 1600-dən çox müxtəlif komponentdən istifadə olunub. Smartfonda olan az sayda ABŞ istehsalı komponentlərin olmasına baxmayaraq Huawei şirkəti ABŞ sanksiyalarının qüvvəyə minməsindən sonra həmin komponentlərə alternativ variantlar axtarmalı olacaq. New York Times saytının məlumatına əsasən bəzi ABŞ şirkətləri dövlət qanunvericiliyində olan bəzi boşluqlardan istifadə edərək Huawei şirkəti ilə əməkdaşlığı davam etdirirlər.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!