IFA 2017: 400 GB yaddaş həcminə sahib SanDisk microSD kartı təqdim olunub
Elm & Texnologiya
02.09.2017
Emil Nəcəfov
Hələ 10 il bundan öncə microSD kartların maksimal yaddaş həcmi 8 GB idi.
İndi isə SanDisk-in yeni yaddaş kartı hesabına smartfonların
yaddaş tutumunu 400 GB-a kimi yüksəltmək mümkün olacaq. Berlində keçirilən IFA
2017 tədbirində “Western Digital” şirkəti, SanDisk brendi adı altında 400 GB yaddaş
həcminə sahib microSD kartı təqdim etdi. Sözügedən yaddaş kartı təkcə yüksək
tutum həcmi ilə fərqlənmir. O həmçinin
A1 sürət səviyyəsinə sahibdir. Bu vasitə ilə tətbiqləri daha sürətli şəkildə
yükləmək mümkündür. Kartın yaradıcıları bildiriblər ki, sözügedən yaddaş kartı
vasitəsilə məlumatın ötürülməsi, saniyədə 100 Mbit sürətlə reallaşdırılacaq. Bu
isə 1 dəqiqədə 1200 fotonun ötürülməsi deməkdir. 400 GB yaddaşa sahib yeni
microSD kartların təqribi qiyməti 250$ təşkil edəcək.
Linki kopyala
Həftənin xəbərləri
Ən ağıllı çat-bot IQ testində insanı geridə qoyub
Süni zəkanın köməyilə yaradılmış dərman insanlar üzərində test edilir