iFixit saytı iPad 2018-in təmir olunma mümkünlüyünü yoxladı
Elm & Texnologiya
04.04.2018
Farid Pardashunas
iPad 2018 modelinin daxili
komponentlərinin yığılması tərzi əvvəlki modellərdəkinə bənzəyir. Lakin iFixit
mütəxəssislərinin sözlərinə əsasən çoxlu sayda kleydən istifadə, cihazın təmirini
əvvəlki kimi çətinləşdirir. Beləliklə iFixit mütəxəssisləri narazıdırlar ki,
Apple şirkəti cihazın daxili komponentlərinin saxlanması üçün aşırı dərəcədə
kleydən istifadə edir.
Planşetin hissələrə ayrılması zamanı kleyin yumşalması
üçün xüsusi maddədən istifadə etmək lazım gəlib. iPad 2018 modelinin daxilində
A10 adlı yeni prosessor və Apple Pencil ilə çalışmaq üçün nəzərdə tutulmuş iki ədəd
Broadcom çipi yerləşdirilib. Bununla belə yeni modeldə hələ də iPad Air 2-nin
batareyasından istifadə olunub. Çoxlu sayda kleyin ucbatından batareyanın dəyişdirilməsi
prosesi çox qəlizdir. Pro versiyadan fərqli olaraq adi iPad modelində şüşə və
ekran ayrı-ayrı elementlərdir.
iFixit mütəxəssisləri qeyd ediblər ki, bu,
alıcılar üçün müsbət cəhətdir. Belə ki, bu halda zədələnmiş ekranı dəyişmək
daha ucuz başa gələcək. Lakin servis işçiləri üçün bu hal mənfidir. Belə ki,
kleydən əlavə olaraq ekran və şüşə bir-birilə yapışqan lentlə birləşdirilib. Cihazın
hissələrə ayrılması zamanı həmin lentin çıxarılması, ekranın zədələnmə riskini
artırır. Nəticə etibarilə iPad 2018 modelinin təmir olunma mümkünlüyü iFixit
mütəxəssisləri tərəfindən 10 xaldan 2-nə layiq görülüb.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)