İki əkiz qardaş iPhone X-in Face ID texnologiyasını aldatmağa çalışdı (VİDEO)

Belə ki, onlar Face ID texnologiyasını əkiz insanların üzərində yoxlayaraq həmin sistemin çaşıb-çaşmayacağını yoxlamaq istədilər. Qeyd etmək lazımdır ki, iPhone X-in təqdimatı zamanı şirkət rəsmiləri Face ID texnologiyasının təhlükəsizliyi barəsində bir xeyli danışaraq bildirmişdilər ki, bu sistemin səhv etmə ehtimalı milyonda birə bərabərdir.

Bununla yanaşı şirkət bildirmişdi ki, 13 yaşından aşağı və əkiz şəxslərdə Face ID texnologiyasından istifadədə problemlər yarana bilər. Təcrübə üçün Mashable saytı iki əkiz insanı dəvət etdi. Hər iki halda dəvət olunmuş şəxslər bir-birilərinə çox bənzəyirdilər. Hətta onlar bildirmişdilər ki, onların dostları və hətta ailə üzvləri də onları səhv salırlar. Beləliklə onlar öyrənmək istəyirdilər ki, Face ID texnologiyası onları ayırd edə biləcək yoxsa yox.

İlk öncə qardaşlardan biri öz üzünü qeydiyyatdan keçirtdi və smartfonu əkizinə ötürdü. Əkiz qardaş öz üzü ilə smartfonu blockdan çıxarmaq istəyən zaman Face ID həmin əkizin öz sahibi olduğunu təyin edərək telefonu aktiv hala gətirdi. Beləliklə əgər sizin əkiz yaxınınız varsa və əgər sizin smartfonunuzda gizli məlumatlar yerləşibsə, onda ən yaxşısı adi şifrə sistemindən istifadə etməkdir.