İki şəxs, 48 saat ərzində fasiləsiz virtual reallıqda oldu (VİDEO)
Elm & Texnologiya
08.06.2017
Emil Nəcəfov
İki britaniyalı tədqiqatçı fasiləsiz şəkildə 48 saat virtual reallıqda olublar.
Bu bütün təhlükəsizlik qaydalarının pozulmasıdır. Lakin
onlar bu təcrübəni, virtual reallıqdan istifadə vaxtının sərhədini genişləndirmək
üçün keçirdiblər. Məlum olub ki, VR, ağrını kütləşdirir və səhər tezdən VR
cihazla birlikdə yuxudan oyananda və görəndəki ətraf mühit dinozavrlardan ibarətdir,
onda insan bunun real olmasına inanır. VR cihazların özlərinin təhlükəsizlik
qaydaları mövcuddur. Məsələn avtomobildə səyahət edən zaman onlardan istifadə
etmək qadağandır. Əsasən də VR cihazdan müəyyən müddət istifadə edəndən sonra
bir qədər fasilə vermək lazımdır. Lakin Londonun “Brandwidth” adlı şirkətindən
olan Dean Johnson təcrübə aparmaq qərarına gələrək 48 saat ərzində VR cihazdan
istifadə edib. Yəni o, VR cihazı istifadə edərək yemək yeyib, yatıb və işləyib.
Keçən il o bu cür təcrübəni aparmışdı. Lakin həmin müddətdə təcrübə 24 saat çəkmişdi.
Bu dəfə isə o, təcrübənin müddətini 2 dəfə uzadıb. Bu təcrübənin aparılmasında
ona Koventri Universitetindən olan Sarah Jones da qatılıb. Təcrübə
iştirakçıları hər saat yalnız 5 dəqiqəlik fasilələr veriblər.
Qeyd etmək lazımdır ki, bu təcrübə hansısa VR cihazı
istehsalçısı üçün nəzərdə tutulmuş marketinq üsulu deyil. Dean Johnson-un sözlərinə
əsasən bu məsələdə tamamilə əks reaksiya olub. Bir çox VR cihaz istehsalçıları
sözügedən təcrübədə iştirak etmək istəməyiblər. “Onlar elə düşünürdülər ki, biz
öləcəyik” – deyə Dean bildirib. Təcrübənin ən maraqlı anlarından biri, tatu
salona getmək olub. Məlum olub ki, virtual reallıq, Dean-nin fikrini o dərəcədə
özünə çəkib ki, tatunun vurulması zamanı Dean, ağrını çox az miqdarda hiss
edib. Bundan əlavə məlum olub ki, insan, VR cihazla birlikdə səhər yuxudan
oyananda və görəndəki onun ətrafında dinozavrlar və ya digər maraqlı obyektlər
var, onda insan beyni ilk öncə bunun real olduğunu düşünür. Təcrübə
iştirakçıları onu da qeyd ediblər ki, uzun müddət VR cihazdan istifadə müəyyən
fəsadlarsız nəticələnməyib. Belə ki, təcrübənin bitməsindən sonra bir neçə gün ərzində
Dean, ətraf mühiti dəqiqliklə görməkdə çətinlik çəkib və uzun müddət VR cihazın
istifadəsi nəticəsində onun burun nahiyəsi ağrıyıb.
Linki kopyala
Həftənin xəbərləri
Apple Vision Pro ilə əməliyyat həyata keçirildi?!
Ən ağıllı çat-bot IQ testində insanı geridə qoyub