İki yeni GoPro kamera modelinin ilk fotoları ortaya çıxdı

TEXNOLOGİYA


16.08.2019 0 PAYLAŞIM 133 OXUNMA


    Photo Rumors saytında sentyabr ayında satışa çıxacaq GoPro Hero 8 ilə GoPro Max 360 action kamera modellərinin ilk fotoları ortaya çıxıb. Bu barədə Digger.ru saytı xəbər verib. Ortaya çıxmış fotolardan da görmək olar ki, GoPro Hero 8 modeli əlavə kənar mikrofon, işıqlandırma sistemi və ekranın qoşulması üçün ayrıca modul ilə təchiz olunur.


    Məlumata əsasən Hero 8 modeli saniyədə 120 kadr sürətlə 4K video və saniyədə 480 kadr sürətlə Full HD video çəkə biləcək. Hələ ki, məlum deyil ki, kənar komponentlərin qoşulması üçün nəzərdə tutulmuş ayrıca modul daha öncəki GoPro modellərinə inteqrasiya edilə biləcək yoxsa yox. GoPro Max 360 modelinə gəldikdə isə o, 2017-ci ildə satışa çıxmış GoPro Fusion 360 kamera modelini əvəz edəcək.