Komputerlər üçün ən güclü prosessorları istehsal edən Intel şirkəti Computex 2018 sərgisində 28 nüvəli Skylake XCC adlı yeni prosessorları istehsal edəcəyini bildirdi. Hal-hazırda şirkətin Core i9 Extreme prosessoru 18 nüvəyə və İntel'in ən güclü prosessoru ünvanına malikdi. Intel rəsmiləri bu xəbər ilə texnologiya medyasının diqqətini bir xeyli çəkdi və Skylake arxitekturasının böyüməsi üçün bir sıra yeniliklər üzərində çalışdıqlarını bildirdi.

Texniki parametrlərə baxdıqda isə, bu prosessorlar standart olaraq 2.7 GHZ tezlikdə və TurboBoost rejimdə isə 5 GHZ tezlikdə işləyəcək. Skylake arxitekturası üzərində qurulan bu prosessorlar 56 ədəd virtual nüvəyə malik olacaq. Cinebench testlərində isə 7334 xal toplayaraq gözlənilən nəticəni verəcəyi düşünülür. Skylake XCC prosessorlarının qiymətinin hansı aralıqda olacağı isə sərgi zamanı bəlli olmadı.