Bir müddət əvvəl Intel və AMD prosessorlarında Spectre və Meltdown adı verilən açıqlar tapılmışdı. Bu açıqlar çipsetin istehsalı ilə bağlı olduğu üçün heç bir halda ortadan qaldırıla bilmirdi. Buna görə hətta yenilənmə yayımlayaraq, çipsetlərin performansını azaltmışdılar. Bu gün isə Intel üçün daha pis xəbər gəldi.

Intel rəsmilərindən olan Leslie Culbertson bu açıqlar ilə bağlı istifadəçiləri məlumatlandıracaqlarını bildirdi. Və qeyd edir ki, sisteminizi yeniləyin. Hazırlanan bildirim hesabatlarına görə, bu 8 yeni açıq əvvəlki Spectre açığı ilə eyni səbəbdən yaranıb. Intel 8 açıqdan 4-ünü yüksək riskli olaraq qeyd edib. Spectre Next Generation adlanan bu problemlərin aradan qaldırılması üçün May və Avqust aylarında yenilənmə yayımlanacaq. May ayında ilk 4 riskli açıq həll ediləcək, Avqustda isə digər az riskli 4 açıq bağlanacaq. Görək əvvəlki kimi yayımlanan bu yenilənmələr prosessorların gücünü zəiflədəcək mi ?