'Intel' şirkəti Vaunt adlı 'ağıllı' eynəyi təqdim etdi (VİDEO)
Elm & Texnologiya
05.02.2018
Farid Pardashunas
“Intel” şirkəti Vaunt adlı “ağıllı” eynəyi təqdim edib.
Bu barədə The Verge saytı xəbər
verib. Intel Vaunt eynəyinin çəkisi 50 qramdan azdır. Onun daxilində olan
lazerlər isə istifadəçinin göz qişasına 400x150 piksel keyfiyyətli təsviri
ötürürlər. Eynəyin sahib olduğu bütün elektronik detallar onun hər iki kənar
hissəsində yerləşir. Buna görə də həmin elektronik detallar əyilə bilirlər.
Buna bənzər smart eynəklər adətən çox sərt olurlar və onların kənar hissələrində
batareyaların yerləşdiyindən həmin kənar hissələrin vəziyyətini dəyişmək olmur.
Bundan əlavə olaraq lazerlər tərəfindən əks olunan təsvirlıər birbaşa istifadəçi
gözünün qişasına ötürülür. Buna görə də istifadəçinin görmə qabiliyyətindən
asılı olmayaraq təsvirlər dəqiq əks olunurlar. Şirkət bildirib ki, lazerlər tərəfindən
əks olunan təsvirlər birbaşa göz qişasına ötürülsə də onlar gözlər üçün tamamilə
təhlükəsizdir. Belə ki, lazerin gücü o qədər aşağı səviyyədədir ki, şirkət hətta
bu texnologiyanı sertifikatlaşdırmayıb da.
Vaunt hələki miktofon və səsgücləndirici
kimi özəliklərə sahib deyil. O həmçinin Google Glass kimi xarici tərəfdən
kameranı da özündə birləşdirmir. Xarici görünüşcə yeni smart eynək adi eynəyə bənzəyir.
İlk öncə Vaunt bildirişlərin əks olunması üçün nəzərdə tutulub. Eynək Bluetooth
vasitəsilə Android və ya iOS sistemli smartfona qoşulur. Şirkət bildirib ki, bu
eynək 18 saat avtonom rejimdə çalışa bilir. Bu il şirkət eynəklər üçün tətbiqlərin
hazırlanması baxımından tərtibatçılara şərait yaradacaq. Vaunt-un təqribi çıxış
tarixi və qiyməti barəsində isə heç bir məlumat verilməyib.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)