Hələ bir neçə müddət bundan öncə məlumat ortaya çıxmışdı ki, bu ilki iPhone 15 Pro və iPhone 15 Pro Max smartfonlarında istifadə ediləcək A17 Bionic prosessoru 3 nanometrlik texnoloji proses əsasında hazırlanacaq. İndi isə Digitimes saytı bu məlumatı təsdiqləyib. Məlumatda qeyd edilib ki, iPhone 15 Pro smartfonları üçün nəzərdə tutulmuş A17 Bionic prosessoru TSMC şirkətinin 3 nanometrlik texnoloji prosesi əsasında hazırlanacaq.

    Gözləntilərə əsasən A17 Bionic-dən əlavə olaraq Mac kompüterləri üçün nəzərdə tutulacaq Apple M3 prosessoru da 3 nanometrlik texnoloji proses əsasında istehsal ediləcək. Yeni texnoloji prosesə keçid öz növbəsində Apple şirkətinə yeni prosessorun performansını və enerji effektivliyini yüksəltməyə imkan verəcək. Qeyd etmək lazımdır ki, Apple şirkətinin prosessorları 5 nanometrlik texnoloji prosesə illər əvvəl keçid etmişdi.Gözləntilərə əsasən iPhone 15 ilə iPhone 15 Plus bu il A16 Bionic prosessoru ilə təchiz olunacaqlar.