iPhone'lara tələbatın azalması, Apple şirkətinin əməkdaşlıq etdiyi şirkətlərə təsir edib
Elm & Texnologiya
07.01.2019
Orxan Jafarli
iPhone smartfonlarına tələbatın azalması öz növbəsində bu smartfonlar üçün komponent istehsalçılarının maliyyə vəziyyətlərinə ciddi təsir göstərib. Bu barədə CNBC saytı xəbər verib. Məsələn iPhone kameraları üçün obyektivlərin istehsalı ilə məşğul olan və Tayvanda fəaliyyət göstərən Largan Precision şirkətinin səhmləri 9.4% aşağı düşüb. Şirkət 2017-ci ilin noyabr ayı ilə müqayisədə 2018-ci ilin noyabr ayı üçün satışların 28.57% aşağı düşdüyünü bildirib.
Apple şirkətinin əməkdaşlıq etdiyi əsas şirkətlərdən biri olan Pegatron-un səhmləri 5.3% aşağı düşüb. Qeyd etmək lazımdır ki, bir neçə müddət bundan öncə Nikkei saytı xəbər vermişdi ki, Pegatron şirkəti iPhone ilə əlaqəli olmayan məhsullarının istehsalını 6 ay ərzində Çindən İndoneziyaya keçirtmək istəyir. Bunun əsas səbəbi isə ABŞ-ın Çin istehsalı məhsullara yüksək dərəcədə təyin etdiyi vergilərdir. iPhone-lara tələbatın azalması digər bir məşhur şirkətə də təsir edib. Söhbət, Foxconn-dan gedir. Belə ki, Foxconn-un səhmləri 3.6% aşağı düşüb. Reuters saytının məlumatına əsasən isə Foxconn Vyetnamda iPhone istehsalını planlaşdırır.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)