main-post-cover

    iPhone-larda Qualcomm-un 5G modemlərinin istifadəsi davam etdiriləcək

    Elm & Texnologiya
    12.09.2023
    Farid Pardashunas
        Qualcomm şirkəti Apple ilə əməkdaşlığının 2026-cı ilə qədər uzadıldığını elan edib. Qeyd etmək lazımdır ki, iki şirkət arasındakı bu əməkdaşlıq çərçivəsində Qualcomm Apple smartfonları üçün 5G modemlərin istehsalı ilə məşğul olur. Sözügedən əməkdaşlığın müddəti bu il bitməli idi. Lakin şirkətlər arasında yeni razılaşma əldə olunub. Qualcomm bildirib ki, yeni müqavilə 2024, 2025 və 2026-cı illərdə satışa çıxacaq Apple smartfonlarını əhatə edəcək.
        Şirkətlər arasındakı əməkdaşlıq müqaviləsinin uzadılması Apple şirkətinin öz smartfonları üçün fərdi 5G modemlərinin hazırlanması prosesində problemlərlə qarşılaşdığından xəbər verir. Lakin Bloomberg saytının məşhur insayderi Mark Gurman-ın sözlərinə əsasən bu, şirkətin yaxın 3 il ərzində 5G modemini hazırlayacağı ehtimalını aradan qaldırmır. Qeyd etmək lazımdır ki, Apple öz 5G modemi üzərində 2018-ci ildən çalışır. Bununla o, Qualcomm-dan olan asılılığını aradan qaldırmaq istəyir. Bu istiqamətdə şirkət 2019-cu ildə Intel-in mobil 5G modemlər biznesini 1 milyard dollara əldə etmişdi. 
    Linki kopyala

    Bənzər xəbərlər

    Oxşar xəbərlər