iPhone'nu MacBook ilə, Apple Watch'u isə iPhone ilə şarj etmək olacaq
Elm & Texnologiya
27.07.2018
Farid Pardashunas
Apple şirkətinin yeni patentində şirkət cihazlarının yeni
qeyri-adi şarj prosesi əks olunub. Belə ki, patent sorğusunda cərəyanı hər iki
istiqamətdə ötürə bilən yeni cihazdan bəhs olunur. Beləliklə nəzəri cəhətdən
iPad və ya MacBook heç bir naqil olmadan iPhone X və ya iPhone 8-ə şarj cərəyanı
ötürə bilərlər. Smartfonlar isə öz növbələrində həmin cərəyanı digər cihazlara
ötürə bilərlər. Hal-hazırda naqilsiz şarj prosesi üçün induktiv özəlliklərə
sahib iPad və MacBook-lar istehsal olunmur. Lakin gələcəkdə bu cür şarj
prosesi perspektivli ola bilər.
Patent sorğusunda MacBook ilə bir və ya iki
cihaz arasında (iPhone ilə Apple Watch kimi cihazlar arasında) enerji ötürülməsini
reallaşdıra biləcək bir neçə şarj nöqtəsindən ibarət MacBook təsvir olunub. Cihaz
digər cihazın altında və ya üstündə yerləşməsindən asılı olaraq enerji yığır və
ya ötürür. Bu halda MacBook digər cihazlar üçün enerjiötürücü stansiyaya
çevrilir. Bundan əlavə olaraq çox güman ki, Apple Watch-u iPhone ekranının üzərinə
qoyaraq onu beləcə şarj etdirmək olacaq. İndi isə Apple şirkəti naqilsiz şarj
nöqtələri arasında xaric və daxil olan cərəyanın qızmadan keçidini
reallaşdırmalıdır. Bu cür texnologiyanın yaradılması üçün isə illər lazım ola
bilər.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ