iPhone-nun kompüter kimi istifadəsi: Apple şirkəti Samsung DeX-in analoqu üzərində çalışa bilər
Elm & Texnologiya
27.06.2020
Emil Nəcəfov
MauriQHD ləqəbli insayder öz Twitter hesabında məlumat verib ki, Apple şirkəti qoşula bilən xüsusi stasionar stansiya vasitəsilə iPhone smartfonunu kompüterə çevirəcək texnologiya üzərində çalışır. Öz məlumatında insayder qeyd edib ki, Apple şirkəti macOS əməliyyat sistemini işə sala biləcək iki iPhone modelini test edir. Bu barədə Digger.ru saytı xəbər verib. İnsayderin verdiyi məlumata əsasən yeni texnologiyadan biri Samsung-un DeX cihazına bənzəyir.
Bu halda iPhone smartfonu qoşula bilən xüsusi stasionar stansiyaya qoşulur. Smartfonun özündə isə macOS əməliyyat sistemi işə düşür. Digər prototip isə Razer Project Linda-nı xatırladır. Bu halda qoşula bilən stasionar stansiya noutbuku xatırladır. Sözügedən variantda smartfon cihazın touchpad hissəsinə yerləşdirilir. Bir neçə müddət bundan öncə insayder qeyd etmişdi ki, Apple şirkəti iPadOS və macOS arasında keçidə sahib ola biləcək iPad modeli üzərində çalışır.
Təəssüflər olsun ki, insayder Apple şirkətinin bu texnologiyasının nə zaman təqdim olunacğı barəsində məlumat verməyib. Çox güman ki, Apple şirkəti həqiqətən də iPhone smartfonunu macOS əməliyyat sisteminə sahib kompüter rejimində işlətməyə imkan verəcək xüsusi stasionar stansiyanı test edir. Nəzərə alsaq ki, şirkət Intel prosessorlarından imtina edərək özünün ARM prosessorlarına keçid etməyə hazırlaşır, bu ehtimal inandırıcı səslənir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!