iPhone SE 2 nəinki bu il hətta ümumiyyətlə satışa çıxmaya bilər
Elm & Texnologiya
18.06.2018
Farid Pardashunas
iPhone SE 2 modelinin aqibəti
artıq uzun zamandır ki, qeyri-müəyyənlik içərisindədir. Bir çoxları kompakt
iPhone SE modelinin yeni versiyasını gözləyir, lakin indiyənə kimi smartfon
barəsində olmuş şayiələr aksessuar istehsalçıları tərəfindən təqdim
olunurdu. Həmin mənbələr təsdiq edirdilər ki, iPhone SE 2 mütləq işıq üzü
görəcək. Smartfonlar üçün keys istehsalı ilə məşğul olan Olixar brendi isə hətta
smartfonun internetdə yayılmış çertyojları əsasında iPhone SE 2 üçün aksessuar
istehsalına da başlamışdı. Lakin indi məlum olub ki, şirkət aksessuar
istehsalını dayandırıb.
Olixar şirkətinin mənbələrinə əsasən iPhone SE 2 bu il
satışa çıxmayacaq. Belə ki, Apple şirkəti öz diqqətini iPhone X tərzində daha
böyük modellərə yönəldəcək. Daha pessimist proqnozlara əsasən isə iPhone SE 2
ümumiyyətlə heç vaxt işıq üzü görməyəcək. Belə ki, ekran üzərində çıxıntının
olub-olmamasına baxmayaraq kompakt smartfon modelləri hal hazırda bazarda o qədər
də aktual deyillər. Məlumata əsasən Olixar şirkəti keçən ay iPhone SE 2-nin bu
il satışa çıxacağına o qədər əmin idi ki, aksessuar istehsalına start vermişdi.
Lakin indi şirkət öz mənbələrindən iPhone SE 2-nin ləğv edilməsi məlumatını
aldıqdan sonra o, aksessuar istehsalını dayandırdı.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ