Yaponiyanın Macotakara saytı Apple şirkətinin yeni smartfonu olacaq iPhone X Plus modelinin fotosunu paylaşıb. Güman olunur ki, iPhone X Plus modeli 6.5 inç OLED ekranla təchiz olunacaq. Smartfonun ölçüsü isə iPhone 8 Plus modelinin ölçüsü ilə eyni olacaq. Təqdim olunmuş fotoda iPhone X Plus ilə iPhone 8 Plus və adi iPhone X-in ölçüləri müqayisə olunub. Saytın məlumatına əsasən Plus modeli adi iPhone X-dən 0.2 mm daha qalın olacaq.

Bununla yanaşı 5.8 inç ekrana sahib olacaq yeni adi iPhone X modeli orijinal iPhone X-in korpusuna sahib olacaq. Lakin kamera ötürücüsünün ölçüsünün böyüdülməsi hesabına onun obyektivi daha böyük olacaq. Bu il üçün təqdim olunması gözlənilən daha büdcəli iPhone modeli də TrueDepth kamerası və 6 inç-lik LCD ekranla təchiz olunacaq. Bundan əlavə məlumata əsasən iOS 12-də Face ID texnologiyası vasitəsilə smartfonu təkcə şaquli vəziyyətdə deyil həmdə üfüqi vəziyyətdə blokdan çıxartmaq mümkün olacaq.