Slashleaks saytı yeni nəsil iPod Touch modelinin ilk fotolarını paylaşıb. Beləliklə paylaşılmış fotolardan da görmək olar ki, yeni iPod Touch tamamilə əvvəlki modellərin dizaynını təkrarlayır. Lakin bununla yanaşı yeni modeldə bəzi dəyişikliklər var. Beləliklə yeni model iPod Touch-da minimal dizayn dəyişikliyi olacaq. Cihazın arxa panelində olan mikrofon çıxıntısı daha dairəvi forma əldə edəcək. İkinci fotoya diqqətlə baxanda görmək olar ki, ekran qara çərçivələr ilə əhatə olunub.

    Fotolardakı modelin gövdə rəngi Space Grey rəngini xatırladır. Bu səbəbdən güman etmək olar ki, yeni iPod Touch-ın dizaynı 2014-2015-ci illər iPhone modellərinin dizaynını xatırlada bilər. Bununla yanaşı məlumata əsasən yeni model iPod Touch modeli ənənəvi 3.5 mm-lik audiogirişi də özündə qoruyub saxlayacaq. Apple şirkətinin öz yeni iPod Touch modelini nə zaman təqdim edəcəyi barəsində isə heç bir məlumat yoxdur. Qeyd etmək lazımdır ki, iPod Touch 6 2015-ci ildə satışa çıxmışdı və həmin vaxtdan yenilənməmişdi.