İstənilən iPhone modelini hack edən GrayKey adlı gizli cihaz
Elm & Texnologiya
17.03.2018
Farid Pardashunas
MalwareBytes saytı hüquq-mühafizə orqanları tərəfindən iPhone-ların hack olunması üçün istifadə olunan gizli cihazın fotosunu paylaşıb.
GrayKey adlı cihaz çox az tanınan Grayshift
şirkəti tərəfindən hazırlanıb. Onun sayəsində qısa müddət ərzində şifrə ilə
qorunan iPhone cihazını hack etmək mümkündür. GrayKey boz rəngli və 2 ədəd
Lightning naqilinə sahib böyük olmayan qutuya bənzər cihazdır. iPhone modelini sözügedən
cihaza qoşduqdan sonra iPhone-nun blokdan çıxarılması üçün lazımi şifrənin
tapılması üzrə nəzərdə tutulmuş proqram təminatının smartfona yüklənməsinə 2 dəqiqə
vaxt lazım olur.
Proqram təminatı smartfona yükləndikdən sonra o, bütün mümkün
olan şifrə kombinasiyalarını axtarmağa başlayır. 4 simvollu şifrə halında bu
axtarış bir neçə saat vaxt apara bilər. 6 simvollu şifrə halında isə proses bir
neçə günü əhatə edir. Lakin şifrə tapılandan sonra o, iPhone ekranında əks
olunur. Lazımi şifrə tapıldıqdan sonra smartfondakı olan bütün məlumatları
çıxartmaq üçün onu yenidən GrayKey-ə qoşurlar.
Məlumata əsasən sözügedən cihaz
bütün aktual iOS cihazlarını və ən son iOS sistemlərini hack etməyə qadirdir.
GrayKey cihazının qiyməti 15.000$ təşkil edir. Cihazın bu modeli mütəmadi
internetə qoşulmanı tələb edir. Lakin internetsiz çalışan portativ model də
mövcuddur və onun qiyməti iki dəfə bahadır.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ