Kim Çen In-ın hackerləri, kriptovalyuta oğurluğu ilə məşğul olurlar
Elm & Texnologiya
12.09.2017
Farid Pardashunas
Bitcoin və digər rəqəmsal valyutaların əldə olunması üçün Şimali Koreya hackerlərinin, kriptovalyuta birjalarına kiberhücum etdikləri güman edilir.
Şimali Koreya isə öz növbəsində kriptovalyutalardan, beynəlxalq
sanksiyalardan yan keçmək üçün istifadə edir. Tədqiqatçıların məlumatlarına əsasən
Kim Çen In rejimi altında fəaliyyət göstərən hackerlər, Cənubi Koreyanın
kriptovalyuta birjalarına kiberhücumları intensivləşdirirlər. Güman olunur ki,
kriptovalyutalar heç kim tərəfindən tənzimlənmədiyi üçün Kim Çen In, bu
texnologiya ilə maraqlana bilər. Belə ki, tənzimlənmə olmadığı üçün onların
istifadəsini gizli saxlamaq olar. Bu isə öz növbəsində gizli layihələrin maliyyələşdirmə
və pul yuma prosesini sadələşdirir. Tədqiqatçıların fikrincə sanksiyaların sərtləşməsi
və kriptovalyuta istifadəsinin daha geniş miqyasa sahib olduğu üçün Şimali
Koreya, rəqəmsal valyuta oğurluğu prosesində daha maraqlı olacaq. 2017-ci il ərzində
Koreya Xalq Demokratik Respublikası mütəxəssisləri, Cənubi Koreyanın
birjalarına minimum 3 dəfə kiberhücum reallaşdırıblar. Onlardan biri hətta
uğurlu şəkildə başa çatmışdır. Məlumata əsasən bu ilin May ayında Seulun
Yapizon adlı birjası, kiberhücuma məruz qalmış və nəticədə 3.8 min bitcoin (həmin
vaxtkı məzənnəyə görə 9 milyon dollar) oğurlanmışdı. Analitik Luke McNamara-nın
fikrincə kriptovalyuta nə qədər məşhurdusa, hackerlərin, kriptovalyuta
birjalarına kiberhücumları da bir o qədər asanlaşır.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)