Lamborghini elektrikli idman avtomobilini təqdim etməyə hazırlaşır

    Lamborghini şirkəti öz elektrikli idman avtomobilinin siluetini əks etdirən fotonu təqdim edib. Şirkət elektrikli idman avtomobilini 18 avqust tarixində ABŞ-da təqdim edəcək. Qeyd etmək lazımdır ki, təqdim ediləcək elektromobil konsept xarakterli olacaq. Buna görə də onun kommersiya məqsədli versiyasının eyni dizayna sahib olub-olmayacağı bilinmir. Artıq məlumdur ki, şirkət 2024-cü ilin sonuna kimi öz bütün avtomobillərinin hibrid versiyalarını satışa çıxaracaq. Şirkətin tamamilə elektrikləşdirilmiş ilk avtomobili isə bu onilliyin sonuna kimi satışa çıxmalıdır.