Lenovo şirkəti IFA 2023 sərgisi çərçivəsində Legion brendinin yeni noutbukunu təqdim edib. Söhbət, Legion 9i adlı gaming noutbukundan gedir. Bu yeni noutbuk hal hazırda ən güclü gaming noutbuklarından biridir. Lenovo Legion 9i flaqman texniki göstəriciləri ilə yanaşı həmçinin maye soyutma sistemi və mini-LED ekranı ilə seçilir. Beləliklə Lenovo Legion 9i gaming noutbuku 165 Hz-lik təsvir yenilənməsinə sahib 3200x2000 piksel keyfiyyətli 16 düym mini-LED ekranla təchiz olunub.

    Ekranın maksimal parlaqlıq səviyyəsi 1200 nit təşkil edir. Noutbuk Intel Core i9-13980HX prosessoru vasitəsilə çalışır və özündə NVIDIA GeForce RTX 4090 videokartını, DDR5 standartlı 32/64 GB RAM-ı, 2 TB-a kimi SSD-ni bireləşdirir. Legion 9i noutbuku Legion Coldfront adlı maye soyutma sisteminə sahibdir. Bununla yanaşı onun konstruksiyasına 3 ədəd güclü pər quraşdırılıb. Batareya həcminə gəldikdə isə noutbuk 99.99 vatt saatlıq batareya ilə təchiz olunub. Şarj adapterinin gücü isə 330 vatt təşkil edir. Lenovo Legion 9i gələn ay satışa çıxacaq və Avropa bazarında 4499 avroya satılacaq.