22 iyul tarixində Lenovo şirkəti Lenovo Legion Y700 planşetini təqdim edəcək. İndi isə insayderlər sözügedən yeni planşetin texniki göstəricilərini təqdim ediblər. Beləliklə verilmiş məlumata əsasən Lenovo Legion Y700 planşeti 144 Hz-lik təsvir yenilənməsinə sahib 2560x1600 piksel keyfiyyətli 8.8 düym LCD ekran ilə təchiz olunacaq. Planşet Snapdragon 8+ Gen 1 prosessoru vasitəsilə çalışacaq və özündə 16 GB RAM ilə 45 vatt gücündə sürətli şarj texnologiyalı 6550 mAh enerji tutumlu batareyanı birləşdirəcək. Bununla yanaşı insayderlər bildiriblər ki, planşet 13 MP-lik arxa kameraya və 8 MP-lik ön kameraya sahib olacaq.