Gözlənildiyi kimi "Lenovo” şirkəti IFA 2016 sərgisində Moto Z Play smartfonunu təqdim edib. Yeni model smartfon hansı özəlliklərə sahibdir?

Flaqman dizaynına sahib Moto Z Play smartfonunun arxa qapağı metal əvəzinə şüşədən hazırlanıb və orta səviyyəli texniki göstəricilərə sahibdir. "Technote.az”ın "Engaged.com”a istinadən verdiyi xəbərə əsasən smartfon USB Type-C-dən əlavə olaraq 3.5 mm-lik audio giriş ilə də təchiz olunub. Smartfonun texniki göstəriciləri ilə sizləri tanış edirik.

- 1920x1080 piksel keyfiyyətli 5.5 inç Full HD ekran

- 2 GHz tezlikli 8 nüvəli Snapdragon 625 prosessoru

- 3 GB RAM və 32/64 GB daxili yaddaş (microSD dəstəklənir)

- 16 MP arxa və 5 MP ön kamera

- 3510 mAh enerji tutumlu batareya

- Android 6.0.1 əməliyyat sistemi və barmaq izi skanı funksiyası

Moto Z Play-in satışları oktyabr ayında start götürəcək və 500 avro qiymətinə satılacaq.