Lenovo yeni gaming monitorunu təqdim edib

    Lenovo şirkəti özünün Legion brendi altında yeni gaming monitorunu təqdim edib. Təqdim edilmiş yeni gaming monitori Lenovo Legion R27fc-30 adını əldə edib. Beləliklə Lenovo Legion R27fc-30 adlı yeni gaming monitoru 240-280 Hz-lik təsvir yenilənməsinə sahib 1920x1080 piksel keyfiyyətli 27 düym VA ekranla təchiz olunub. Ekranın maksimal parlaqlıq səviyyəsi 350 nit təşkil edir. Ekran həmçinin sRGB rəng diapazonunun 99%-ni, DCI-P3 rəng diapazonunun isə 90%-ni əhatə edir. Sözügedən yeni gaming monitoru özündə 2 ədəd səsgücləndiricini birləşdirir və onlardan hər biri 3 vatt gücündədir. Lenovo Legion R27fc-30-un nə zaman və hansı qiymətə satışa çıxacağı barəsində məlumat verilməyib.