LG W adlı yeni büdcəli seriyanın ilk smartfonu barəsində məlumatlar ortaya çıxdı
Elm & Texnologiya
12.06.2019
Farid Pardashunas
Biz artıq xəbər vermişik ki, LG şirkəti özünün LG W adlı yeni büdcəli smartfon seriyasını təqdim etməyə hazırlaşır. İndi isə internetdə bu seriyaya daxil olacaq ilk smartfon modeli barəsində məlumatlar ortaya çıxıb. Bu barədə Gizmochina saytına istinadən Gagadget saytı xəbər verib.
Beləliklə ortaya çıxmış posterlərə əsasən smartfon 4000 mAh enerji tutumlu batareya ilə təchiz olunacaq. Bununla belə smartfonun qalınlığı 8.5 mm təşkil edəcək. Smartfon 12 nanometrlik texnoloji proses əsasında hazırlanmış 2.0 GHz tezlikdə çalışan 8 nüvəli prosessor ilə təchiz olunacaq. Smartfonun sahib olacağı prosessorlar sırasında üç variant var: MediaTek Helio P22, Helio P60 və Snapdragon 439.
Smartfon həmçinin Android Pie əməliyyat sistemi vasitəsilə çalışacaq. Əvvəlki məlumat sızıntılarında qeyd olunurdu ki, LG W seriyasına daxil olacaq ilk smartfon ekran üzərində damcı formalı çıxıntı hissə, arxa paneldən barmaq izi skanı texnologiyası və üçlü arxa kamera ilə təchiz olunacaq. Onun güman olunan qiymət göstəricisi isə 150$-dır. Smartfonun təqdimatı artıq bu ay baş tutmalıdır.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)