Mark öz hissələrini niyə satır? Maraqlı siyasətdir!

Sosial şəbəkələr arasında hər zaman öz liderliyini saxlayan Facebook, hal-hazırda hissələrinin bir qismini satışa çıxarıb. "Facebook" qurucusu və CEO-su Mark Zükerberq (Mark Zuckerberg), "Facebook"a aid hissələrin bir qismini satacağını açıqlayıb. Satışa çıxardığı hissələrin dəyərinin təxmini 100 milyon dollar olması gözlənilir.

"Facebook" hissəsinin satışından əldə edilən gəlir xeyriyyə fonduna bağışlanacaq. Əslində Mark kimi birinin hissə satmağa ehtiyacı yoxdu. Xatırladaq ki, Mark bir neçə ay əvvəl sərvətinin 45 milyard dolları ilə bir xeyriyyə fondu qurmuşdu. Bu dəfə satışa çıxaracağı hissələrdən gələn gəliri də öz hesabına keçirmək yerinə, xeyriyyə fonduna bağışlayacaq. Bu məbləğ çox yüksək olsa belə Zükenberq ailəsi sahib olduqları və olacaqları sərvətin 99%-ni qurmuş olduqları bu fonda bağışlamaq niyyətindədirlər.