MediaTek-dən sürətli enerji yığma texnologiyası
Elm & Texnologiya
07.05.2017
Farid
Tayvan şirkəti MediaTek yeni sürətli enerji yığma
texnologiyası Pump Express 3.0-u təqdim edib. Şirkət yeni texnologiyanı
smartfonlar üçün nəzərdə tutulmuş ən sürətli enerji yığma texnologiyası kimi qələmə
verib. MediaTek-in verdiyi məlumata əsasən Pump Express 3 texnologiyası vasitəsilə
smartfon enerjini 0-dan 70%-ə kimi 20 dəqiqə ərzində yığır. Hər-halda
MediaTek-in yeni texnologiyası Qualcomm-un üsulundan daha effektivdir.
Qarşılaşdırmaq üçün qeyd edək ki, QuickCharge 3.0 texnologiyası LG G5
smartfonunun enerjisini 80%-dək 35 dəqiqə ərzində yığır. Bundan əlavə olaraq
Pump Express 3.0 USB Type-C girişini dəstəkləyən ilk sürətli enerji yığma texnologiyasıdır.
Bu isə o deməkdir ki, o toku bilavasitə adapterdən batareyaya ötürür. Beləliklə
smartfon qızmır. Pump Express 3.0 texnologiyası ilk olaraq Hello P20 prosessorunda dəstəklənəcək. Yeni texnologiyanın satışı isə bu ilin sonuna
kimi planlaşdırılır.
Paylaş
Bənzər xəbərlər
