MediaTek Dimensity 9300 flaqman prosessoru ARM-in yeni nüvələrini əldə edəcək

    Görünür, MediaTek şirkətinin bu il təqdim edəcəyi Dimensity 9300 prosessoru sözün əsl mənasında güclü olacaq. O hətta Snapdragon 8 Gen 3-ü də geridə qoya bilər. Belə ki, MediaTek artıq təsdiqləyib ki, Dimensity 9300 prosessorunda ARM şirkətinin yenicə təqdim etmiş olduğu Cortex-X4 nüvələrindən istifadə ediləcək. Bununla yanaşı şirkətin yeni prosessoruna Cortex-A720 nüvələri ilə Immortalis-G720 GPU-su daxil olacaq. Bununla belə şirkət Dimensity 9300-də Cortex-520 nüvələrinin olub-olmayacağı barəsində məlumat verməyib. Beləliklə 4 ədəd Cortex-X4 nüvəsi ilə 4 ədəd Cortex-A720 nüvəsi sayəsində Dimensity 9300 prosessoru diqqət çəkəcək dərəcədə performans sərgiləyə bilər.