MediaTek yaxın zamanda özünün növbəti flaqman prosessorunu təqdim etməlidir. Söhbət, Dimensity 9300-dən gedir. İndi isə Digital Chat Station ləqəbli məşhur insayder bu yeni prosessor barəsində növbəti məlumatları təqdim edib. Onun sözlərinə əsasən MediaTek Dimensity 9300-ün qrafik çipi Dimensity 9200-ün qrafik çipindən fərqli olaraq smartfondan gündəlik istifadədə 25% daha az enerji sərfiyyatına sahib olacaq. Qeyd etmək lazımdır ki, son məlumat sızıntılarına əsasən MediaTek-in yeni flaqman prosessorunda ARM Immortalis G720 adlı qrafik çipdən istifadə ediləcək. İnsayderin sözlərinə əsasən yeni prosessorda olacaq qrafik çipin enerji sərfiyyatının aşağı salınması prosessorun özünün enerji sərfiyyatının 50% aşağı salınması hesabına mümkün olub.