Məşhur analitik Galaxy Note 9 haqqında məlumat verdi
Elm & Texnologiya
10.03.2018
Emil Nəcəfov
“KGI Securities” şirkətinin məşhur analitiki Ming-Chi Kuo “Samsung”un növbəti flaqman modeli olacaq Galaxy Note 9 haqqında bəzi məlumatları verib.
Onun sözlərinə əsasən şirkət yeni
flaqman modelinə günümüzdə ən perspektivli texnologiyalardan birini inteqrasiya
etməyəcək. O bildirib ki, Galaxy Note 9-da ekrana inteqrasiya olunmuş barmaq
izi skanı texnologiyasını gözləmək lazım deyil. Qeyd etmək lazımdır ki, bundan
öncə o tam dəqiqliklə bu texnologiyanın həmçinin Galaxy S9 və S9+ modellərində
də olmayacağını bildirmişdi. Onun sözlərinə görə “Samsung” bu texnologiyadan
texniki problemlərə görə imtina edib.
Maraqlısı ondadr ki, məhz bu cür səbəbdən
keçən il sözügedən texnologiya Galaxy Note 8 modelində də reallaşdırılmadı.
Görünür, şirkət həqiqətən də perspektivli texnologiyalar dalınca qaçmamaq üzrə
qurulmuş yeni strategiya üzrə gedir. Qeyd etmək lazımdır ki, Barselonada keçirilmiş MWC 2018 tədbirində şirkətin mobil telefonlar şöbəsinin direktoru
bildirmişdi ki, şirkət artıq yeni texnologiyaların inteqrasiya olunması üzrə
ilklərdən olmayacaq. Bundan sonra onlar yeni texnologiyaları yalnız o zaman
reallaşdıracaqlar ki, həmin texnologiyalar həm istifadəçilərin həmdə şirkətin
tələblərinə uysunlar.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!