Məşhur crowdfunding platforması olan Indiegogo ICO layihələrin dəstəyinə başladı
Elm & Texnologiya
13.12.2017
Farid Pardashunas
Məşhur crowdfunding platforması olan Indiegogo ICO vasitəsilə vəsait cəlb etmək istəyən layihələri dəstəkləməyə başlayıb.
Bu barədə Techcrunch saytı xəbər
verib. Indiegpgp dəstəyi sayəsində tokenlərin satışına start verən ilk layihə
isə Fan-Controlled Football League oldu. Bu layihə futbol liqasının yaradılması
üçün 5 milyon dollar vəsait cəlb etmək fikrindədir. Həmin liqada azarkeşlər
sevdikləri komandalara təsir edə biləcəklər. Layihə artıq 54 investordan
980.000$-dan çox məbləğ yığıb.
“Bizim ICO servisimiz elə qurulub ki, maksimal sayda investorlara tokenlərin satılması və yenidən satılması imkanı verilsin. Biz ICO-nu hamı üçün əlçatan etmək istəyirik” – deyə Indiegogo-nun təsisçisi Slava Rubin bildirib.
Rubin-in sözlərinə əsasən Indiegogo-nun aylıq auditoriya
sayı 10 milyon insandır. The New York Times-ın verdiyi məlumata əsasən ICO-nun məşhurluq
qazanması fonunda şirkətin bu tendensiyadan yan keçməsi çətin məsələ idi.
Coindesk-in məlumatına əsasən bu ilin əvvəlindən startaplar ICO vasitəsilə
ümumilikdə 3.5 milyard dollar vəsait cəlb ediblər.
Indiegogo yeni sistemi
MicroVentures adlı servis vasitəsilə inkişaf etdirir. Həmin servis isə ICO
layihələrə SAFT (Safe Agreement for Future Tokens) modeli üzrə investisiya
yatırmağı təklif edir. Bu model üzrə investorlar tokenlərin yerinə onlara olan
opsionları əldə edirlər. Bu cür sistem fond bazarının, vergi qanunvericiliyinin və ABŞ-ın maliyyə xidmətləri sahəsinin normalarına cavab verir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək