Bloomberg saytının insayderi Mark Gurman-ın verdiyi məlumata əsasən Apple şirkəti öz yeni prosessorunun testlərinə artıq start verib. Məlumatda qeyd edilib ki, test edilən yeni prosessor M3 Pro adına sahibdir. Bununla yanaşı insayder digər M3 modelləri barəsində də məlumat verib. Söhbət M3 Max və M3 Ultra-dan gedir. Apple şirkətinin sözügedən yeni prosessorları TSMC şirkətinin 3 nanometrlik texnoloji prosesi əsasında istehsal ediləcək.

    Bununla yanaşı M3 Pro modeli 12 nüvəli CPU və 18 nüvəli GPU, M3 Max modeli 14 nüvəli CPU və 40 nüvəli GPU, M3 Ultra isə 28 nüvəli CPU və 80 nüvəli GPU ilə təchiz olunmalıdır. İnsayderin sözlərinə əsasən M3 Pro 36 GB-lıq RAM-ı dəstəkləyəcək. Apple şirkətinin bu yeni prosessorlarının nə zaman təqdim olunacaqları bilinmir. Lakin məlumatda qeyd edilib ki, şirkət M3 Pro-ya sahib yeni nəsil MacBook Pro-nu artıq test etməyə başlayıb.