Məşhur insayder Redmi-nin yeni planşeti barəsində məlumatlar verib

    Digital Chat Station ləqəbli məşhur insayder Redmi brendinin yeni planşeti barəsində məlumatlar verib. Qeyd etmək lazımdır ki, Redmi-nin ilk planşeti keçən ilin oktyabr ayında təqdim edilmişdi. Yeni planşetin isə Redmi K60 Ultra flaqman smartfonu ilə birgə təqdim ediləcəyi gözlənilir. Beləliklə insayderin sözlərinə əsasən Redmi-nin yeni planşeti təqribi olaraq 10 düym ölçülü maye kristallik ekran ilə təchiz olunacaq. Ekran 2K keyfiyyətində olacaq və 90 Hz-lik təsvir yenilənməsini dəstəkləyəcək. Bununla yanaşı məlumatda qeyd edilib ki, planşet özündə 8 MP-lik arxa kameranı və 5 MP-lik ön kameranı birləşdirəcək. Planşet Snapdragon 680 prosessoru vasitəsilə çalışacaq və 8000 mAh enerji tutumlu batareyaya sahib olacaq.