Məşhur insayder Samsung Galaxy Watch 6 barəsində ilk məlumatı təqdim edib

    Ice Universe ləqəbli məşhur insayder Samsung şirkətinin yeni smart saatı barəsində ilk məlumatı təqdim edib. Söhbət, Galaxy Watch 6-dan gedir. İnsayderin sözlərinə əsasən Samsung Galaxy Watch 6-da kənarları əyilmiş ekrandan istifadə edəcək. Bu baxımdan smart saat Apple Watch-a və Pixel Watch-a bənzəyə bilər. Qeyd etmək lazımdır ki, Samsung uzun illər ərzində öz smart saatlarında məhz yastı ekrandan istifadə edib. İnsayder Galaxy Watch 6 barəsində digər bir məlumat verməyib. Sadəcə olaraq güman etmək olar ki, Galaxy Watch 6 bazara bir neçə versiyada və ekran ölçüsündə satışa çıxacaq. Çox güman ki, Samsung-un yeni smart saatı AMOLED ekran əldə edəcək və WearOS vasitəsilə çalışacaq.