Bloomberg saytının verdiyi məlumata əsasən süni zəka ilə çalışmaq üçün nəzərdə tutulmuş yeni növ prosessorun yaradılması yolunda Microsoft şirkəti AMD ilə əməkdaşlığa başlayıb. Bu, hal hazırda süni zəka üçün nəzərdə tutulmuş təchizatlar bazarında liderliyə sahib NVIDIA şirkətindən asılılığı aşağı salmağa yardımçı olmalıdır. Məlumatda qeyd edilib ki, Athena kod adına sahib yeni prosessor eksklüziv olaraq Microsoft-un ehtiyacları üçün istifadə ediləcək. Son zamanlarda şirkət süni zəka texnologiyalarına böyük diqqət ayırır və bu istiqamətdə ChatGPT-nin yaradıcısı olan OpenAI şirkətinə 10 milyard dollar investisiya yatırıb. Microsoft-un AMD ilə birgə hazırladığı yeni prosessor barəsində ətraflı məlumat hələ yoxdur. Hazırlanan prosessorun AMD Instinct MI300 kimi hibrid prosessor olacağı da istisna edilmir.