Microsoft, bilindiyi kimi mobil tətbiqlərində istifadəçilərə reklam göstərir. İndi isə bunu Windows 10-dakı daxili proqramlara yerləşdirməyi planlayır. Bunlardan ilki isə WordPad proqramında olacaq. Reklamlar WordPad proqramının üst çubuğunda göstəriləcək və Microsoft-un Word Online, Office Online kimi proqramlarının reklamı olacaq.

        Bu reklamlarda əsasən Microsoft-un öz məhsullarının reklamları yerləşdiriləcək. Əlbəttə reklamları bağlamaq üçün proqramda button da olacaq. Yəni istədiyiniz zaman bağlamaq mümkün olacaq. Həmçinin Microsoft-un News proqramında da buna bənzər reklamlar göstərilir. Lakin News, Microsoft Store tətbiqi olduğu üçün tamamilə silinə bilir. Qeyd edək ki, bu reklamlar Windows 10-un Insider versiyasında yerləşdirilib və hələlik test mərhələsindədir. İstifadəçilərdən gələn rəylər əsasında Microsoft bir qərar verəcəkdir.