Microsoft şirkəti məşhur GitHub servisini 5 milyard dollara ala bilər
Elm & Texnologiya
02.06.2018
Farid Pardashunas
Microsoft şirkəti İT layihələrin kodlarının saxlanması üçün nəzərdə tutulmuş böyük platforma GitHub ilə birləşmək mövzusu ətrafında danışıqlar aparır. Bu barədə Business Insider saytı xəbər verib. Məlumata əsasən hal hazırda marketinq aktivliyi mövzusunda müzakirələr gedir və bu müzakirələrin bitməsindən sonra Microsoft şirkəti GitHub platformasını alacaq. Müqavilənin dəyəri isə 5 milyard dollar təşkil edə bilər. GitHub-ın alınması halında Microsoft şirkəti bütün dünya üzrə milyonlarla tərtibatçılara öz qapılarını aça və onları şirkətin bulud servislərinə inteqrasiya edə biləcək.
Lakin bu müqavilə yüksək qiymət göstəricisi səbəbilə reallaşmaya da bilər. Belə ki, 2015-ci ildə GitHub 2 milyard dollar dəyərində qiymətləndirilirdi və şirkət həmin vaxtda ICO-ya çıxmağı planlaşdırırdı. Lakin şirkətin direktoru Chris Wanstrath-ın şirkətdən getməsi nəticəsində GitHub-ın qiymət göstəricisi azala bilərdi. Son 10 ay ərzində GitHub yeni direktor axtarışındadır. Əgər Microsoft GitHub-ı alsa, bu qərar startapın əsas ideyasının istiqamətinin dəyişilməsi demək olacaq. Belə ki, hələ keçən ilin sonunda bir sıra mənbələr xəbər vermişdilər ki, GitHub heç kimdən asılı olmayan servis kimi qalmaq ideyasının tərəfdarıdır. Hər iki tərəf bu məlumata rəy bildirməkdən imtina edib.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ