Mobil oyunlar üçün nəzərdə tutulmuş ən güclü Android smartfon Razer Phone təqdim olundu
Elm & Texnologiya
01.11.2017
Farid Pardashunas
“Razer” şirkəti ABŞ-da keçirtdiyi prezentasiya çərçivəsində özünün ilk flaqman modeli olan Razer Phone-nu təqdim etdi.
Şirkət qeyd edib ki, bu smartfon
tamamilə oyunlara nəzərən yaradılıb və buna görə də onda OLED ekran əvəzinə IGZO
ekrandan istifadə edilib. Razer Phone müəyyən mənada “Nextbit” şirkətinin köməkliyi
ilə yaradılıb. Lakin qeyd etmək laızmdır ki, “Razer” hələ 2016-cı ilin sonunda “Nextbit”i
almış və özünün mobil cihazını istehsal etmək üçün bu şirkətə investisiyalar
yatırmışdı. Razer Phone-nun texniki göstəricilərinə baxdıqda söyləmək olar ki,
bu, indiyənə kimi oyunlar üçün hazırlanmış ən güclü Android smartfondur.
Onu
digər flaqman smartfonlardan ayıran əsas özəllik 2560x1440 piksel keyfiyyətli və
120 GHz tezlikli 5.72 inç IGZO ekrandır. Ekran Corning Gorilla Glass 3 qoruyucu
şüşəsi ilə örtülüb. Şirkətin məlumatına əsasən bu cür yüksək tezlikli
matrisadan istifadə edərək istifadəçilər daha hamar və realistik gpörüntünü əldə
edəcəklər. Nəzərə alsaq ki, hal-hazırda Android üçün olan 3D oyunlar yalnız 60
Hz tezliklə məhdudlaşırlar, bu məsələnin həll olunması üçün “Razer” bir çox
oyun studiyaları ilə danışıqlar aparır.
Qeyd etmək lazımdır ki, Final Fantasy
XV, Lineage 2: Revolution, Tekken və Titanfall: Assault kimi oyunlar artıq
smartfon ekranının 120 GHz tezlikli özəlliyi üçün optimizasiya olunublar və
onları Google Play-dən yükləmək mümkündür. Digər texniki göstəricilərinə gəldikdə
isə Razer Phone 2.45 GHz tezlikli 8 nüvəli Snapdragon 835 prosessoru, 8 GB RAM,
64 GB daxili yaddaş (2 TB-a kimi microSD dəstəkli), 12 MP-lik arxa, 8 MP-lik ön
kamera və Quick Charge 4.0+ özəllikli 4000 mAh enerji tutumlu batareya ilə təchiz
olunub.
Bundan əlavə olaraq smartfonun kənarında olan yandırıb/söndürmə düyməsi
barmaq izi skanına sahibdir. Digər flaqman cihazlardan geri qalmayaraq Razer
Phone da USB Typer-C girişi ilə təmin olunub. Smartfon Android 7.1.1 Nougat əməliyyat
sistemi vasitəsilə çalışır. Razer Phone bu ayın 17-dən satışa çıxacaq. Lakin
artıq indidən şirkətin rəsmi saytından onun ön sifarişini etmək mümkündür.
Smartfon 699$ qiymətində satılacaq.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ