Motorola şirkəti Moto Watch 200 adlı yeni smart saatını təqdim edib. Geniş funksionallığa sahib olan bu smart saat özündə metal gövdəni və GPS modulu birləşdirir. Moto Watch 200 gündəlik və idman məqsədli aktivliklərdə istifadə üçün nəzərdə tutulub. Smart saat 1.78 düym AMOLED ekran, GPS və akselerometr ilə təchiz olunub. Moto Watch 200 ürək döyüntülərinin və qandakı oksigen miqdarının ölçülməsi imkanlarını özündə birləşdirir. Bundan əlavə olaraq smart saat 28 növ idman rejimini dəstəkləyir. Moto Watch 200 smart saatı 355 mAh enerji tutumlu batareya ilə təchiz olunub. Şirkətin verdiyi məlumata əsasən smart saat bir dəfə şarj olunandan sonra 14 gün ərzində çalışa bilir. Smart saatın nə zaman satışa çıxacağı və hansı qiymətə satılacağı barəsində məlumat verilməyib.